Executive日記——「香港海運周」快將舉行

  香港係一個商港,海事活動對經濟貢獻好大,香港海事博物館就紀錄咗香港作為商港嘅文物與文獻,令人認識香港歷史重要嘅一部份。香港海事博物館、香港海運港口局及香港船東會將於十月三十一日至十一月六日攜手舉辦第五屆「香港海運周」,推出好多活動,不少仲好啱親子時光,爹哋媽咪要留意。

  喺十月三十一日,香港海事博物館將免費開放予公眾。當日會推出一連串親子活動,包括菜姨姨講古仔、放映海洋主題的兒童卡通電影、吉祥物柴犬船長拍照攤位、派發兒童活動工作紙及精美紀念品等等。喺教育活動方面,觀眾可選擇參與公眾導賞團、欣賞專題展覽,以及登上泊岸船艇參觀。部份活動需要預先登記,大家想同小朋友一起親近海港,一面吸收海事冷知識,一面親子,就唔好錯過呢一日啦。

Kelly Chu


hd