Executive日記——願望成真基金送暖 病童獲新輪椅開心

  快到年尾,喺呢個時候,一家人齊齊整整,親友如常生活,仲有愛我嘅人,令到Kelly覺到好幸福。正因如此,小妹更加出錢出力,做多啲善事,等有需要嘅人都一樣感受到暖意,所以喺呢度懇請大家捐輸「願望成真基金」(Make A Wish HK),完成病童微小但重要嘅夢想,就好似藹寧咁,佢只係想要一張輪椅。

  早前,「願望成真基金團隊」為患有頑固型癲癇症嘅藹寧送上一張新輪椅,令到藹寧同媽媽都好開心。藹寧今年十八歲,由於年紀漸長,一直願望有一張新輪椅,令自己坐得舒服啲,同屋企人相聚嘅時間都多咗,更可以令媽媽較輕鬆送藹寧返學放學!

  呢個微小嘅願望,係基金同善長出力之下,終於滿足到藹寧。媽媽仲好感恩,寫咗一張好窩心嘅卡送畀基金,Kelly睇完眼濕濕,但仲加強咗做善事嘅決定,藹寧、媽媽同基金團隊都要努力呀。

Kelly Chu


hd