Executive日記——運動界KOL張樹槐 完成人生第一百隻「馬」

  渣打馬拉松賽事昨天復辦,一眾跑手都跑得好開心,包括唔少城中名人,好似完成人生第一百場馬拉松嘅運動界KOL張樹槐(Walter),仲有忙中練跑嘅公務員事務局局長聶德權。

  前銀行界高層、傳訊達人創辦人嘅Walter喺香港馬拉松完成四十二公里賽事,亦係佢人生嘅第一百場馬拉松。自從喺○二年香港渣打馬拉松完成首場全馬後,Walter馬不停蹄到六大洲參加馬拉松。Walter話,感謝太太喺背後一直默默支持,以及同事同朋友多年來嘅鼓勵同祝福。

  聶德權就話,自己有腳傷,今次目標係跑完全程,對達標感到開心。仲有城市大學校長郭位,佢率領校內約二百四十名跑手參加賽事,郭校長完成十公里賽事,話城大着重「文修武德」,今次佢同跑手一起實踐咁話。

Kelly Chu


hd