Executive日記——K11 MUSEA全新藝術之旅 維港雪糕亭響頭炮

  Kelly行經尖沙咀K11 MUSEA,留意到星光大道上多咗一個以綠色水磨石建造嘅八角亭,好有懷舊feel,原來係出自著名室內設計師Joyce Wang嘅新作──《維港雪糕亭》。

  K11 MUSEA策劃新一個藝術與設計之旅,帶來一系列著名藝術家及設計師與生活品牌作跨界合作,打造六間藝術體驗空間MUSE ROOM,O依個非一般嘅「雪糕亭」係重頭戲之一。此外,參與嘅著名藝術家與設計師包括Nelson Chow、空山基(Hajime Sorayama)、Tony Oursler、Jon Burgerman及a'strict。

  Joyce Wang話,《維港雪糕亭》設計靈感來自香港歷史悠久嘅遊樂場,雪糕亭呈八角形,正面及側面均見流暢線條,受唐樓樓梯設計所啟發,特意選用綠色、珊瑚色及黃色為主要色調。選用水磨石呢種隨處可見又令人感到溫暖、有觸感嘅材料,可以喚起傳統情懷,唔同年齡層嘅觀眾也能產生共鳴。

  小妹最開心係,《維港雪糕亭》帶來一場跨界合作,即日起大家可以喺該處品嚐到人氣曲奇店Cookie DPT精心製作嘅六款富香港特色嘅雪糕曲奇三文治,包括白兔糖、奶茶口味等,一邊品嚐一邊欣賞維港嘅絕美景色!

Kelly Chu


hd