Executive日記——會展國際環保博覽 免費入場睇綠色科技

  Kelly一向支持環保,知道貿發局喺會展舉行第十六屆國際環保博覽,即日起至十月三十日,最後一天仲係公眾日,市民可免費入場,已經約埋環保友去觀摩下。

  今屆博覽以實體及網上混合模式舉行,網上展期直至十一月六日,共吸引超過二百家參展商參與,來自奧地利、中國、法國、台灣和瑞士嘅展商派出本地代表或以網上形式參與,帶來各式嶄新環保科技及產品。博覽設有九大專區,包括「綠色建築及能源效益」、「綠色運輸」、「廢物處理及循環再造」、「環保產品」及「初創」專區等,仲加入「綠色金融及ESG(環境、社會及管治)相關服務」嘅元素。小妹最有興趣係「初創」區,好想睇下「青萌」推出嘅智能種植機,或者買番去屋企嘅窗台種菜都好。

Kelly Chu


hd