Executive日記——港鐵首班「紅葉專車」 接載百市民大棠賞楓

  踏入賞紅葉嘅季節,元朗大棠楓香林係賞楓勝地之一。港鐵特別喺十一月嘅每個星期日加開路線K66S特別班次,方便市民一落港鐵就可以輕鬆方便轉車去到大棠。而港鐵巴士特別版「紅葉專車」,昨天開始投入服務,吸引超過一百名乘客同巴士迷!

  由昨天至本月二十八日,港鐵喺逢星期日加開路線K66S特別班次,早上十一點喺屏昌徑(港鐵朗屏站)開往大棠山道;下午十二點半喺大棠山道開往港鐵朗屏站 (B2出口宏達路悅屏樓)。成人八達通車費喺$4.8,小童或學生喺$2.1,長者或殘疾人士喺$2,並可享屯馬線或輕鐵免費轉乘優惠。

  今年仲有特別版「紅葉專車」同大家見面,外表印上紅葉同「鐵仔」圖案,好搶眼!專車昨早十一點正式接載乘客,吸引超過一百名乘客同巴士迷參加首航禮,由港鐵朗屏站出發前往元朗大棠,享受秋日美景。至於路線K66A,會喺十二月一日至明年一月十六日期間嘅星期六、日及公眾假期,接載大家去大棠郊野公園觀賞紅葉。

Kelly Chu


hd