Executive日記——獲邀做封面人物 消委會月刊45周年 郭晶晶示範下廚

        今年係消委會《選擇》月刊創刊四十五周年,最新一期請咗「跳水皇后」郭晶晶做封面人物。為咗配合檢測報告,晶晶分享咗自己嘅烹調習慣,透露喺屋企會用四到五款唔同大細嘅鑄鐵鍋,佢最鍾意煮牛尾,不過為咗健康,一定少放鹽同糖,又話最緊要均衡飲食。聽完Kelly都覺得晶晶好識保養,值得大家學習!

  晶晶話,自己屋企大概有四、五款唔同大細嘅鑄鐵鍋,「不同size,有不同用途」。佢分享保養秘笈,話最重要係均衡飲食:「我們都是講究早上要吃飽,中午吃好,晚上就少吃一點,盡量不要吃消夜。」晶晶話,自己唔係經常下廚,不過不時會幫小朋友煮飯,最鍾意用鑄鐵鍋煮牛尾,另外會加啲紅蘿蔔同馬鈴薯。不過為咗小朋友健康,煮個陣會盡量少放鹽同糖。

  晶晶笑住話,好多小朋友都鍾意食糖,但如果佢哋食太多零食,就唔可以好好食飯,營養吸收唔好:「有時候我會把櫃子鎖上,不可以吃,如果吃零食就要先把飯,吃完飯才可以吃零食!」

Kelly Chu


hd