Executive日記——「星夢帝國」於上周六樂聲盃跑出

  樂聲盃賽事上周六喺沙田馬場舉行,無線電視星夢娛樂集團行政總裁何麗全四出推介參賽馬匹「星夢帝國」,唔少人以為佢就喺「星夢帝國」馬主,原來只喺咁啱撞名,結果「星夢帝國」跑出,派彩五倍,皆大歡喜!

  馬會主席陳南祿、信興集團主席兼行政總裁蒙德揚等猛人,上周六到場支持樂聲盃賽事。跑到第二場,本身係馬主嘅何麗全就向大家推介「星夢帝國」,大家見近期星夢咁成功,以為佢就係「星夢帝國」嘅馬主,原來唔係,佢只係欣賞「星夢帝國」好有質素,所以次次都捧場,加上今次狀態好fit,就推介畀大家。果然「星夢帝國」喺第四班泥地一哩賽跑出,派彩相當和味,都有五倍!

Kelly Chu


hd