Executive日記——魚檔現「真正」海黃花小意思 啟德海邊捉到巨龍躉!

  入冬之後,滿街好魚。不是說笑,Kelly昨天行過柴灣一個魚檔,竟然見到有魔鬼魚賣。朋友仲厲害,話見到有罕見嘅野生大黃花魚。點知另一朋友就大佢,話有人喺啟德海邊釣到一條巨龍躉。

  先講野生大黃花魚,有成兩呎長,不是一條,仲有幾條。魚檔大大隻字,寫明係「真正海黃花」,仲強調「可遇不可求」。價錢一啲都唔平,要一千六百蚊一條,如果同個魚販熟,可以減一百蚊咁話。朋友話,野生黃花魚比人工養殖嘅,不論肉質同味道,都好上好多。

  至於條大龍躉,見朋友拍嘅短片,由一個男人拉上碼頭梯級,現場環境所見,喺啟德碼頭一帶,條魚有成四呎幾咁長,好大個口,好生猛,後面見到兩個蛙人,唔通要潛水打魚,但片段就無交代。香港人好幸福,臨海而居,經常歎到新鮮好味嘅海鮮,冬天海產特別靚,大家bon appetit。

Kelly Chu


hd