Executive日記——理大明年慶85周年 挺年輕人邁創科路

  理工大學將於明年慶祝八十五周年校慶。理大校董會主席林大輝、校長藤錦光等高層昨日會晤傳媒,介紹理大嘅最新動向,重點之一,係每年協助一百名本科生邁向創科之路。

  林大輝話,二○一九年理大圍城衝突事件,係理大最艱難嘅日子,但經歷過後,已經沒有甚麼考驗難到校方。講起未來發展,藤錦光校長話,為咗鼓勵本科生參與科研,理大由今年起推出「本科生科研計劃」,每年招收約一百位優秀本科生,學生可以個人或小組形式提交申請,每個獲批項目可得到的資助總額由港幣五萬元至十萬元不等。

  計劃開展以來,已有超過一百一十個項目成功通過審批,涉及不同範疇嘅研究,包括應用數學、電機工程等,批出資助金額逾港幣五百萬。Kelly好支持校方咁有心,挺我哋嘅年輕人邁向創科嘅路途。

  講起理大明年八十五周年,林大輝又透露自己今個月二十二日生日,理大酒店系嘅同學好有心,昨天早有準備,即時送上一個好靚嘅蛋糕,加埋預祝理大八十周年嘅蛋糕,林大輝就同藤校長開心地一齊切蛋糕。

Kelly Chu


hd