Executive日記——無止橋慈善基金「緣繫心橋」 賀明年成立15周年

  無止橋慈善基金上周喺打卡熱點中環街市,舉辦「緣繫心橋」活動啟動禮,係基金明年成立十五周年嘅首個慶祝活動,展示嚟自香港同內地大學生及社會義工,過往喺內地偏遠山區開展嘅公益活動。Kelly都覺得好有意義。

  無止橋慈善基金旨在鼓勵並資助香港及內地大學生,運用環保理念,義務為內地農村修建人行便橋同村莊設施,已有超過二十所大學團隊參與,人數超過五千五百人,直接受惠村民達七萬多人,喺內地偏遠農村地區順利完成超過六十個建設項目。基金副主席馬天惠歡迎各界好友參與及支持,佢講述當年曾以贊助人身份,帶同兩名只有幾歲嘅女兒,參與無止橋喺內地嘅山區建橋活動,獲益良多。

  基金發起人及榮譽會長紀文鳳亦話,基金通過鼓勵大學生喺農村嘅服務工作,為香港及內地大學生搭建起一座座無形嘅心橋。

Kelly Chu


hd