Executive日記——MIRROR做嘉賓門票搶手 跨年演唱會抽獎 周三截止勿重複登記

  旅發局除夕首辦「香港跨年倒數演唱會」,其中有MIRROR做表演嘉賓,三千張門票以實名抽獎形式免費派發,星期三下午五時就截止。局方提醒市民喺登記前要mark實同行親友,溝通好再登記,輸入資料後,應核對清楚再提交,以免失去抽中免費票嘅機會。



  旅發局喺十二月三十一日除夕首辦「香港跨年倒數演唱會」,Kelly好多朋友都話想去,三千張門票以實名抽獎形式免費派發,朋友個個登記咗,喺呢個星期三下午五時就截止啦。由於每人同同行者只可以登記一次,局方提醒大家要揀好最鍾意同邊個去咁話。

男友蝦碌連累女友

  旅發局話,近日收到唔少蝦碌個案,有一位窩心嘅男朋友,將女朋友登記成為自己嘅同行者,希望抽中後製造一個小驚喜,點知原來女友想同MIRROR粉絲朋友一齊「追星」兼倒數,衰咗O添。局方解釋,根據條款,市民完成登記,就唔可以改變同行人個名,故對於女友想撇下男友嘅「特別要求」,愛莫能助。

  旅發局指,其他常見嘅查詢個案包括搞錯同行親友嘅名,或填錯聯絡電話,提醒市民喺登記前要mark實同行親友,溝通好再登記,輸入資料後,應核對清楚再提交,以免失去抽中免費票嘅機會。

Kelly Chu


hd