Executive日記——票尾大抽獎送Tesla iPhone New TV跨年演唱會 紅星與你齊倒數

        疫情好番好多,Kelly好期望同朋友歡度除夕夜,迎接新一年。咁啱知道一個名為《2021美麗的夜香港跨年演唱會》嘅節目明日賣飛,有好多歌星獻唱,啱晒我嘅剛性需求,可以同朋友喺演唱會加無人機匯演中去舊迎新。

        由New TV主辦嘅《2021美麗的夜香港跨年演唱會》,料耗資三千萬元製作,表演歌手包括林子祥、李克勤、周慧敏、任賢齊、草蜢、杜德偉、泳兒、Hana菊梓喬、Supper Moment、Mike曾比特、Jace陳凱詠等,聽講仲會有更多演出歌手參與。

  New TV總經理陳影彤仲公佈,觀看演唱會的觀眾憑票尾參加大抽獎。巨獎將會是一輛名貴Tesla電動車,以及多部新款iPhone,稍後還會陸續將獎品加碼。

  透過這次活動,主辦方希望為香港復甦作一個起點,為加強氣氛,此演唱會除了大型無人機匯演外,亦會在舞台上綻放煙火,於十一點五十五分左右更會作全球直播,無人機倒數配合璀璨維港夜景和大型的鐳射燈火音樂匯演與現場一萬六千名觀眾一起跨年倒數,力求帶給所有觀眾朋友們前所未有嘅觀賞體驗。

Kelly Chu


hd