Executive日記——國際級場地揚名中外 香港哥爾夫球會排名躍升至52位

  香港嘅運動水平上升好快,設施亦直追世界標準。好似香港哥爾夫球會,今年喺「世界白金高爾夫球會」(Platinum Clubs of the World)嘅排名躍升至第五十二位,自二〇一五年入選以來晉升咗十九位咁多,令香港嘅高水準高爾夫球場地揚威國際。
  香港哥爾夫球會會長梁宏正話:「非常高興今次喺『世界白金高爾夫球會』排名再次躍升,粉嶺球場有一百一十年歷史,一直係國際頂級球賽嘅首選球場之一,亦係全球不少高球愛好者嘅朝聖之地。未來我哋會繼續努力,喺粉嶺球場舉辦更多國際賽事。」
  佢仲話,粉嶺球場係國際級高球運動員公認為極具挑戰性嘅場地,粉嶺球場亦係港隊及高球青訓嘅培育基地。近年香港好多精英高球運動員打出國際,包括出戰東京奧運嘅陳芷澄同全運會嘅黑純一及韓紫琳,而許龍一本月更勇奪第十二屆『亞太業餘錦標賽』亞軍,成為史上首名出戰『英國公開賽』資格賽嘅香港球手。而香港哥爾夫球會亦向公眾開放,大力培訓高球新血。此外,球會亦開放予不諳高球嘅公眾,邀請不同團體入場賞樹,舊場第一至三洞更加是每晚免費開放供公眾夜行,讓大家能夠體驗這個古蹟和豐富嘅自然生態。咁好嘅運動設施,Kelly希望公眾好好珍惜。
Kelly Chu



■港隊高球手許龍一本月奪得第12屆「亞太業餘錦標賽」亞軍,成為史上首名出戰「英國公開賽」資格賽香港球手。
■港隊高球手許龍一本月奪得第12屆「亞太業餘錦標賽」亞軍,成為史上首名出戰「英國公開賽」資格賽香港球手。
更多文章