Executive日記——西九歐陸小鎮 巨型聖誕樹亮燈

  冬意漸濃,意味聖誕節即將來臨!為延續「大城小區——西九龍」項目,旅發局首次將「香港繽紛冬日巡禮」主角,包括聖誕小鎮及巨型聖誕樹,從中環移師到西九文化區。其中二十米嘅巨型聖誕樹,喺今日下午五時正式亮燈啦,Kelly第一時間飛去打卡。

  Kelly知道,聖誕小鎮係以法國童話小鎮科爾馬(Colmar)為設計藍本,而科爾馬亦是宮崎駿動畫《哈爾移動城堡》嘅靈感來源,小鎮內八間佈置精緻嘅聖誕小屋,周圍仲有小型聖誕樹、金屬馴鹿等裝飾,好似置身歐陸小鎮。無論同屋企人、情侶或朋友嚟都非常適合!

  旅發局總幹事程鼎一話,香港係不少旅客歡度冬日假期嘅首選目的地,而旅發局嘅巨型聖誕樹都係市民及旅客打卡熱點,今年首次喺西九登場,希望乘着M+博物館開幕,吸引更多市民來欣賞藝術的同時,也參觀一下歐陸聖誕小鎮,感受冬日暖意。雖然旅客暫未能來港,旅發局繼續透過活動網站,讓世界各地旅客都能感受香港濃厚節日氣氛。

Kelly Chu


hd