Executive日記——雲頂夢號聖誕派對 齊上船玩得開心

  Kelly最鍾意嘅聖誕節,愈來愈近啦,難得疫情穩定,一於去一啲特別嘅地方開心過節,咁就上星夢郵輪「雲頂夢號」啦。日前呢隻全港最新最先進又最豪華嘅郵輪舉行咗亮燈儀式,七彩繽紛,仲有一隻好得意嘅白熊,影相一定好靚,仲可以食精美聖誕大餐。

  疫情持續穩定,政府放寬咗上船嘅社交距離限制,由下月一日起郵輪載客量上調至七成半,多啲人一齊玩,自然開心啲。聽「雲頂夢號」朋友講,原本十二月二十四日同三十一日兩個熱門日子已經訂滿,好多人訂唔到位,O依家政府放寬上船人數,就可以讓更多人出海散心了。

  自從雲頂夢號復航以來,已經開出五十幾個航次,有超過七萬人上船玩。郵輪公司曾向客人做民調,發覺疫情後嘅郵輪假期中,超過三分之二客人認為船上嘅娛樂活動係首選;接近三分之二嘅受訪者指美容水療同養生係排名第二嘅船上活動;亦有超過一半受訪者青睞郵輪特別安排嘅的增益講座和工作坊。

Kelly Chu


hd