Executive日記——李小龍展400件珍品曝光

  各位李小龍迷有福了!香港文化博物館嘅李小龍展館,明天起將舉行「平凡.不平凡——李小龍」展覽,展出約四百件與李小龍相關嘅珍貴展品同相片,包括經典黃色戰衣、多齣電影嘅手稿筆記,包括由佢構思但冇面世嘅電影《無音簫》劇本。Kelly覺得大家唔好錯過!
  李小龍展館新展覽可以免費入場,屆時展出多件展品,包括電影《唐山大兄》海報、《死亡遊戲》中的經典黃色戰衣、李小龍嘅嬰兒上衣;多齣電影嘅手稿筆記,包括由李小龍構思,但從未面世嘅武術電影《無音簫》劇本係首次曝光,該電影於一九六八年蘊釀,想將中國武俠片展現喺荷里活中,但後來因李小龍返港製作多部電影而擱置。另又有李小龍寫畀親友嘅親筆書信等。
  同時,展館亦加入多媒體元素,例如沉浸式光影展品,等公眾更了解李小龍嘅傳奇一生。香港文化博物館館長王家敏話,今次展館加入互動項目,係為咗方便觀眾透過電影、武術及人生三方面,回顧呢位武打巨星一生堅毅嘅歷程。
Kelly Chu



更多文章