• 2022年1月21日 星期五
  • 18º
  • 83%
  • facebook
  • Weibo
  • RSS

Executive日記——維港海濱引入無欄杆設計

  去年十月至今,政府陸續開放咗十二個海濱場地畀市民享用,而維港海濱首次引入完全無欄杆嘅梯級式沿岸設計,讓遊人無阻隔咁欣賞維港景致,亦大受歡迎。政府就以「四部曲」方式,循序漸進推出唔同親水設計,讓市民慢慢適應「無欄杆」。Kelly見到各款設計都好鍾意,準備去睇海景兼打卡!
  海濱事務委員會主席吳永順指,「四部曲」嘅首部曲喺「可拆式欄杆設計」,利用好幼及容易拆去嘅鋼索來做欄杆,如灣仔「水上活動及康樂主題區(第一期)」;第二部曲「斜坡海堤石壆設計」,如荃灣海濱海堤,以低矮石壆代替欄杆;第三部曲「無欄杆防波堤」,如「東岸公園主題區(第一期)」內約百米長嘅防波堤,兩邊都無欄杆,只有斜坡,開放後立即成為打卡熱點!
  發展局局長黃偉綸及吳主席近日就到訪灣仔「水上活動及康樂主題區(第二期)」,視察當地第四部曲「梯級式沿岸設計」嘅工程進度。為咗令遊人安全,吳主席強調,除咗場地保安,防波堤亦特設專屬保安二十四小時巡邏,惡劣天氣時亦會關閉防波堤。
Kelly Chu










hd