• 2022年1月20日 星期四
  • 16º
  • 77%
  • facebook
  • Weibo
  • RSS

Executive日記——月中起開放 網上申請熱爆 主教山配水庫 個人導賞團爆滿

  香港真係好多好地方,值得去探究。屬一級歷史建築嘅前深水埗主教山配水庫,就係最新熱點,由本月中起就開放畀市民入內參觀,預約系統昨早九時起接受登記,Kelly即刻登入睇吓,一個小時多後團體導賞團申請仍然有位,但未來兩個月嘅個人導賞團申請已爆滿,反應好熱烈!
  導賞團分為個人及團體兩類申請,前者逢周一至日均有開團,而後者僅限周一至五,而公眾假期不開團,每團最多十二人,並會由兩名職員導賞,全程約九十分鐘。Kelly知道,一九○四年落成嘅主教山配水庫,是香港首個以圓形築成嘅地下配水庫,原本有一百零九條由花崗石粗琢的支柱,每條支柱上又以紅磚砌成半圓拱,而半圓拱之上則係以長條五邊形花崗石板組成嘅天花拱頂基座,它們亦支撐住混凝土拱形天花,拱頂、拱券及支柱,都以仿羅馬土木工程方式建造。
  水務署早前都話,市民入到水庫,可以周圍走動,更可用手觸摸舊建築,相信只要唔係「一指神功」,都不會破壞石頭。不過,Kelly都希望,大家可以愛惜呢個埋藏百年嘅配水庫,等更多人可以見識下珍貴嘅歷史建築!
Kelly Chu










hd