Executive日記——3000幸運兒抽中門票 旅發局跨年演唱會 觀眾讚實名制打擊黃牛
KellyChu
2021-12-09 08:20
字體大小
旅發局嘅「香港跨年倒數演唱會」，三千張實名制門票以抽獎方式送畀市民，吸引咗逾二十萬名市民登記，抽獎結果已經塵埃落定，唔少幸運兒去取票都好興奮，其中有「姜糖」夫婦話好開心齊追姜濤，亦有中獎幸運兒話睇完騷，直落「跨年Staycation」盡興，實行玩住跨年！
呢次跨年演唱會，演出陣容鼎盛，人氣男子組合MIRROR最受觸目，許廷鏗、江海迦（AGA）、李幸倪（Gin Lee）、馮允謙、鄭欣宜等各有粉絲，抽中實名獎票嘅幸運兒們，當然開心期待啦，包括從未去過跨年演唱會嘅葉生及太太，兩人同為「姜糖」，分享中獎感受時難掩興奮之情，直言「好開心、好驚喜」，大讚實名制有助打擊「黃牛黨」，「門票係咪免費都係其次，實名制最好嘅就係唔使食黃牛飛，登記都好方便」。
抽中飛嘅區太亦話，會同囡囡一齊睇，笑言自己先係MIRROR粉絲，但好期待其他歌手如許廷鏗、欣宜等演出，話好開心今年除夕有得玩實體活動，又乘機親子！熱愛睇演唱會嘅Iris及May「中獎」，高興到睇完演唱會之後，直落去酒店玩元旦「Staycation」，笑住迎二○二二年咁話。
Kelly Chu
最Hit
51歲鄭秀文突自爆做「高齡產婦」！去年因病停工神隱 曾指許志安堅拒要小孩
2024-04-18 20:00
50歲蒙嘉慧「幸福肥」又再飆升！紮穩馬步露臂劈柴：冇乜可能會瘦得返
2024-04-18 23:00
$1000/日體驗做洗碗工 港男被餐廳額外安排2工作感「崩潰」開工後哭訴：不是人做的
2024-04-18 19:08
更多文章
