• 2022年1月25日 星期二
  • 19º
  • 85%
  • facebook
  • Weibo
  • RSS

Executive日記|亞博館音響大升級 睇演唱會超正

  周日喺亞洲國際博覽館舉行嘅商業電台年度大show《2021年度叱咤樂壇流行榜頒獎典禮》,喺一次廣東歌復興嘅重要時刻,Kelly有入場欣賞,聽到好多年輕歌手都話要唱好廣東歌,真係好開心。更加開心嘅係,俾小妹發現亞洲國際博覽館Arena經過大手筆投資升級設備之後,Arena嘅音響效果極之好,以後又多咗一個必去嘅演唱會勝地了。
  《2021年度叱咤樂壇流行榜頒獎典禮》成為全城最熱、最潮嘅流行音樂年度盛事,大批歌迷周日湧入亞博嘅Arena撐佢哋嘅偶像,證明只要有好歌好表演,距離完全唔係問題。紅透半邊天嘅MIRROR,喺今次叱咤頒獎台奪八獎(個人+團隊),姜濤冧莊「我最喜愛的男歌手」,以及憑歌曲《Dear My Friend》獲得「叱咤樂壇我最喜愛的歌曲大獎」,好多姜糖冧到爆。
  Kelly發現三個鐘頭長嘅頒獎禮,耳仔感覺好正,Arena嘅音響效果真係靚。原來全場採用咗「伸縮階梯座位系統」,除咗可以加快裝拆嘅時間,座位及舞台設計安排更具彈性,可以隨時推出大製作。仲有牆身特別加裝經過精密聲學計算嘅吸音板,呈現出好靚嘅音質環境,令到欣賞指數勁升。經過呢次叱咤樂壇流行榜頒獎典禮,證明Arena係一個超級正嘅演唱會場館。
Kelly Chu■亞博館Arena大手筆投資升級設備,音響效果極之好。
■亞博館Arena大手筆投資升級設備,音響效果極之好。

hd