Executive日記｜何珮珊亮麗旗袍禮服 由傑出設計師操刀
KellyChu
2022-01-07 00:00
字體大小
昨天Kelly提到海關關長何珮珊首創以旗袍作為女性官員嘅會所禮服（Mess Kit），引起好多女士關注，好想知道件咁靚嘅旗袍出身邊個設計師之手。小妹周圍八吓，原來係曾獲中國「最成功設計」大獎嘅余嫿，佢喺理工大學設計學院嘅畢業生，近年以設計訂製時尚旗袍為主，創立咗自家旗袍品牌，唔怪得知女關長嗰一襲旗袍咁漂亮。
海關關長何珮珊早前出席交通安全隊周年晚宴，穿一襲深綠配黑色嘅旗袍禮服亮相，肩上縫上關長嘅徽章，胸上掛上獎章，令人眼前一亮，仲會聯想到海關，呢件旗袍禮服（Mess Kit）真係開了政府女首長嘅先河，又靚又有官方色彩。
設計師余嫿畢業於理工大學設計學院並獲得時裝設計學士及設計碩士，熱愛設計同藝術，多年來修讀中國文學，醉心中國傳統文化，經常把中國文化元素融入設計當中。佢近年來以設計訂製時尚旗袍為主，創立自家旗袍品牌。佢喺2008年為香港申辦奧運馬術設計大會服裝，曾經獲《透視》設計雜誌評選為「40歲以下40名傑出設計師」之一。2009年獲意大利政府頒發設計獎學金，到意大利多所大學學習。2010年兩項設計作品獲中國「最成功設計」大獎等，仲有好多獎，數都數不完，女關長搵佢設計旗袍，亦都反映咗高品味。
Kelly Chu
■知名設計師余嫿。 資料圖片
海關關長何珮珊早前出席交通安全隊周年晚宴，穿一襲深綠配黑色嘅旗袍禮服亮相，肩上縫上關長嘅徽章，胸上掛上獎章，令人眼前一亮，仲會聯想到海關，呢件旗袍禮服（Mess Kit）真係開了政府女首長嘅先河，又靚又有官方色彩。
設計師余嫿畢業於理工大學設計學院並獲得時裝設計學士及設計碩士，熱愛設計同藝術，多年來修讀中國文學，醉心中國傳統文化，經常把中國文化元素融入設計當中。佢近年來以設計訂製時尚旗袍為主，創立自家旗袍品牌。佢喺2008年為香港申辦奧運馬術設計大會服裝，曾經獲《透視》設計雜誌評選為「40歲以下40名傑出設計師」之一。2009年獲意大利政府頒發設計獎學金，到意大利多所大學學習。2010年兩項設計作品獲中國「最成功設計」大獎等，仲有好多獎，數都數不完，女關長搵佢設計旗袍，亦都反映咗高品味。
Kelly Chu
最Hit
更多文章
