• 2022年1月25日 星期二
  • 19º
  • 85%
  • facebook
  • Weibo
  • RSS

Executive日記|天文台:拉尼娜現象又來 2021年特別熱 最高氣溫36.1度

二○二一年係香港有紀錄以來最熱嘅一年,多項數字亦創新高!天文台話,舊年五月二十三日錄得全年最高氣溫,高達三十六點一度,係有紀錄以來其中一個第三高,舊年全年熱夜有六十一日,酷熱天氣則有五十四日,兩者都係新高,難怪Kelly都覺得上年特別熱!

總結過去一年,天文台話舊年有十一個月比正常溫暖,其中三、五及九月的平均氣溫,更分別錄得破紀錄的二十二、二十九及二十九點七度,全年平均氣溫係二十四點六度,比正常高一點一度,而全年平均最高氣溫及平均最低氣溫亦創有紀錄以來最高,分別達二十七點五及二十二點六度。

港九拯溺員工會發言人胡啟榮同Kelly講,香港真係愈嚟愈熱,佢哋喺沙灘做嘢,不停咁流汗,再熱多一兩度,其實已經冇乜感覺!

另外,天文台指赤道太平洋中部及東部水溫於春夏兩季維持正常,但該區水溫喺十月再次低於正常,並持續至年底,顯示另一次嘅拉尼娜現象正發展。
Kelly Chu

hd