• 2022年1月25日 星期二
  • 19º
  • 85%
  • facebook
  • Weibo
  • RSS

Executive日記|360度虛擬導覽 欣賞主教山配水庫

俗稱主教山配水庫嘅前深水埗配水庫,經復修後,喺去年底起有限度開放予市民參觀,受疫情影響,現在已暫停開放,導賞團暫時停辦。發展局局長黃偉綸就有好介紹,話大家唔可以親身去睇,但有興趣嘅市民,仍然可透過水務署嘅360度虛擬導覽,認識配水庫的歷史和特色。

前深水埗配水庫有逾百年歷史,古物諮詢委員會去年中確認為一級歷史建築。黃偉綸話,水務署人員喺籌辦導賞活動時,翻查咗不少配水庫嘅資料及圖則。前深水埗配水庫同九龍水塘分別於一九○四及一九○六年落成啟用,供應食水給九龍塘/深水埗/大坑東一帶居民,見證咗九龍半島由依靠地下水轉為水塘供水嘅情況。

水務署工程師/九龍區(供應及保養)鄭凱話,配水庫有多個值得欣賞嘅地方,第一是其歷史建築特色,配水庫嘅圓形特性是能以最短嘅周界達至最大的面積,節省興建水庫牆身嘅成本;其拱頂、拱券及支柱以仿羅馬土木工程方式建造。紅磚拱券上承混凝土拱頂天花,下接一百零八條花崗岩石柱。這三種結構形態(即圓形牆身、拱頂及拱券)在工程學上是非常有效率嘅結構設計。配水庫第二個焦點是,其地下儲水空間由花崗岩石塊、紅磚和混凝土三種建築物料組合而成,這種組合未發現喺水務署其他嘅配水庫出現。
Kelly Chu

hd