Executive日記|車公誕市場年廿七開市 設42攤位

牛年將盡,虎年將至。食環署話,由一月二十九日至二月十五日喺沙田翠田街足球場開設車公誕市場,場內會有四十個乾貨攤位同兩個濕貨攤位。Kelly希望疫情穩定下來,屆時可以去車公廟求支籤。

車公誕市場將設喺車公廟毗鄰嘅翠田街足球場,由年廿七起至正月十五日,為期十八天。最受公眾注視嘅,係二月二日車公誕當天,鄉議局主席劉業強會為香港支籤,佢牛年求到支中籤,希望虎年求支上上籤啦。第五波疫情來勢洶洶,食環署話實施一系列防疫措施。攤位經營者須打針,並喺市場開始前四十八小時內自費做檢測。所有入場者須量度體溫,並在進場前掃「安心出行」。當局仲話,一旦有疫情或可能取消活動。
Kelly Chu
更多文章