Executive日記|袁國勇改口:體弱者才需「孖罩」

Omicron好惡,政府專家顧問袁國勇建議市民考慮打孖戴罩抗疫,成為話題,有人唔止吹水,仲付諸行動,網上流傳有人搭港鐵,竟然戴一疊口罩,勁過袁教授嘅建議。袁教授昨修改佢嘅建議,話體質差嘅人,先適合戴孖罩喎。

袁教授「孖罩」之議,成為市民茶餘飯後嘅話題。佢前日話,戴N95口罩保護性較高,但戴嘅時候比較辛苦,加上本港數量唔多,所以市民都係戴外科口罩好啲,但有時空位不太貼面,所以建議有需要嘅市民,可以加多一個布口罩,令外科口罩更貼面。佢昨天進一步補充,唔係建議人人都戴孖罩,而係建議體弱唔適合接種疫苗嘅長期病患者,或需要去機場或密封地方工作嘅人,先考慮戴上兩個口罩咁話。

不過,應該好多市民係袁教授嘅粉絲,昨天網上瘋傳兩張相,一男一女疑坐港鐵期間,戴上一堆口罩,真係好誇張,仲呼吸到,又真係好叻。
Kelly Chu
更多文章