Executive日記|美思工房開倉低至一折 玩遊戲星購送創新廚具

嚟緊團年飯多數喺屋企食,趁機買新廚具,Kelly見美思工房Metier Atelier網店由一月十四日至二十三日搞網上版「喂!開倉喇!」,勁減低至一折,即刻睇吓有咩筍貨!見美國名牌SAVEUR Selects一套十一件嘅三層鋼鍋具,勁減至一千二百八十蚊!鍾意整蛋糕嘅Kelly想買唔同款嘅焗盤都係三十八蚊起,仲有過百款頂級家品、咖啡用具、各類鑄鐵鍋同矽膠廚具都好吸引,低至幾十蚊就買到!

另外,星購JETBUY App玩遊戲仲送開倉嘅人氣產品,全部適用於煤氣爐、電磁爐同電爐,如美國專利可拆式手柄嘅易廚樂鍋具(價值︰二千六百二十五蚊),一套三件煲同煎pan可共用同一個手柄,儲存時拆下手柄就可以減少佔用空間,鍋身仲設有刻度,方便掌握份量!仲有送智廚樂二十四厘米三層鋼雙耳煲(價值︰八百九十九蚊),佢嘅智能蓋鈕可顯示鍋內溫度同有計時功能,超方便!另外一套三件嘅SPOUT高級不鏽鋼廚具(價值︰一千五百九十八蚊)煲身兩側係鴨嘴形寬邊設計,傾倒時防止鍋中食物漏出。掃QR code上星購JETBUY App玩遊戲,有機會獲得以上產品,名額二十個!
Kelly Chu
更多文章