任睇No.1
  • 27º
  • 88%
  • 2022年5月26日 星期四

Executive日記|香港健兒係得嘅 港賽艇隊奪五金 陳至鋒破亞洲紀錄

香港健兒係得嘅。繼張家朗喺巴西成為花劍「世一」,香港隊喺日前完成嘅二〇二二亞洲室內賽艇虛擬錦標賽揚威,一共奪得五面金牌,其中陳至鋒更刷新輕量級二千米嘅亞洲紀錄,划出六分十二秒,力壓群雄,登上王者之位。民政事務局喺社交平台發文,恭喜陳至鋒同香港賽艇隊一眾運動員及團隊為港爭光。Kelly為我哋嘅年輕人,感到好鼓舞。

喺室內賽艇項目,陳至鋒刷新輕量級二千米嘅亞洲紀錄,划出六分十二秒獲冠軍,伊拉克隊選手慢十四點九秒摘亞;另一港將趙顯臻以六分二十八點三秒摘季。陳至鋒賽後表示,打破亞洲紀錄,新年有個好開始。民政事務處喺社交平台發文,恭喜陳至鋒同香港賽艇隊一眾運動員及團隊為港爭光,創佳績。

此外,U23組別嘅黃浩然及東京奧運代表洪詠甄,分別喺男、女子組二千米賽事奪金;另一位U23代表李浚亨就喺同一距離嘅輕量級比賽奪標;出戰成人組嘅黃湘儀就喺輕量級二千米封后。
Kelly Chu

hd