Executive日記|張家朗世界盃分站第一世界排名升第二位 - KellyChu


奧運花劍金牌得主張家朗,早前喺男子花劍世界盃巴黎站過關斬將,登上世界冠軍寶座,其世界排名亦上升。國際劍擊總會公布,原本世界排名第四嘅張家朗,升上第二位,只屈居宿敵、意大利「一哥」霍哥尼。至於家朗嘅隊友蔡俊彥,排名亦由十二位升上第八位,香港重劍「一姐」江旻憓維持排名第六位,國家隊孫一文就榮登世一。
家朗只差一步升上世一,佢同傳媒話,冇諗過會贏到世界盃分站賽,好高興,亦證明自己做得到,佢好感謝港人嘅支持,未來會繼續努力比賽奪獎,為香港爭光。家朗遲啲會轉戰劍擊大獎賽意大利都靈站賽事,如果繼續有好成績,料最快下個月就有機會問鼎榜首。Kelly一定為佢加氣!
Kelly Chu
更多文章