Executive日記|麥記感謝萬名同事 每人派千元抗疫利是 - KellyChu

第五波疫情嚴峻,Kelly見有商店照開,服務公眾,對員工要說聲由衷嘅多謝。麥當勞亦以行動表達對員工嘅重視,話縱使晚市堂食再度暫停,全港超過245間麥當勞嘅前線及後勤員工依然嚴守抗疫,緊守崗位服務逾百萬名顧客。為此,香港麥當勞決定喺農曆年前向接近一萬名員工每人派發港幣一千元抗疫利是,等大家開心迎虎年。

香港麥當勞行政總裁黎韋詩話:「感謝各位同事喺過去兩年疫情中努力不懈為顧客帶來一個安全嘅用餐環境,同時亦積極推廣數碼轉型,現今麥當勞App已有逾3,000,000名註冊用戶,去年榮膺全港下載量榜首嘅餐飲業App。而麥炸雞推出後,大受歡迎,過去一年售賣超過28,000,000件。因此我哋於今年特別向每名員工(連續性合約員工)派發一千元抗疫利是歡度新年,以麥麥支持團隊……」

除咗派發抗疫利是外,麥當勞餐廳嘅經理組別同事更提早加薪,由過往在四月提前至一月加薪;同時,前線時薪員工嘅薪金亦會因應工作表現及市場環境調整。等我Kelly去多啲我至like嘅奧海城二期McCafe,飲多啲由香姐巧手沖嘅正斗咖啡先,向麥記員工致敬。
Kelly Chu ■麥當勞一眾同事疫下緊守崗位服務市民。
■麥當勞一眾同事疫下緊守崗位服務市民。
更多文章