Executive日記|疫境筍工 政府請二級秘書頂薪3.1萬元 - KellyChu

疫情下要搵份好工咪話好容易,但政府展開二級私人秘書公開招聘,申請人只需中學畢業,頂薪點去到逾三萬元。相對學歷唔係太高嘅朋友,Kelly覺得呢份工都算幾吸引。

公務員事務局昨展開二級私人秘書公開招聘,招聘目標係一百八十人,中學畢業及文憑試五科及格即符合申請要求,起薪點為一萬六千五百六十五元、頂薪點可以到三萬一千七百五十元,職責包括文字處理、管理日常會議和工作行程等支援工作。

香港文書職系公務員總會會長唐麗娥指,二級私人秘書通過三年試用期後,可投考一級私人秘書,起薪點即可升到三萬三千三百五十元,相信會吸引唔少人投考。但技能測試有一定挑戰性,唔少人因未能通過嚴格打字測試而冇咗面試機會。
Kelly Chu
更多文章