任睇No.1
  • 30º
  • 76%
  • 2022年5月28日 星期六

Executive日記|映葵樓終有飯派 居民收罐頭鮑 - KellyChu

葵涌邨嘅Omicron爆升,睇到Kelly心驚驚,逸葵樓居民要接受五天強檢禁足令,鄰近嘅映葵樓居民昨日亦要禁足圍封檢測,由於時間倉卒,當局第一晚未能為映葵樓居民準備晚膳,引起好大不滿,幸而昨早上開始大為改善,居民獲得多類食物,小妹睇相,竟有「安記」溏心鮑魚罐頭,俾居民歎番餐正嘅。

運輸及房屋局表示,會提供早、午、晚三餐,每餐有豬、牛、雞及素食等選項。有映葵樓居民昨日就喺網上分享早上獲分派嘅第一餐食物相片,當中包括糯米糕、粉果、排骨飯等。亦有四人家庭每人獲發蘋果、香橙各一個、蛋捲一盒、黑芝麻糊或燒仙草一盒。最令人感意外的,是當中還有罐頭溏心鮑魚一罐,係「安記」出品,小妹都好鍾意食。至於午餐,居民獲發燒味飯及飲品。有網民認為賣相不錯,但也有不少人覺得份量不足。

受疫情影響,附近商場及街市的人流大減。昨日下午時份,葵涌邨商場內的大部分店舖關門,部份仍在營業的店舖包括藥店、髮型屋、日本城、大家樂、阿信屋及惠康超市。惠康超市內,有市民在選購冷藏食品等,而麵包及蔬菜等部份貨架上的貨物已被「清空」,職員隨即補充貨源。
Kelly Chu

hd