Executive日記|「牛下女車神」傳授六招伸展運動 - KellyChu


第五波疫情爆不停,Kelly心驚驚,除咗必要工作,盡量留喺屋企,以免染疫。好多學生哥亦停止面授課堂,宅在家,教育局局長楊潤雄就話,希望同學在家學習之餘,亦要保持健康體魄,仲提議佢哋分享「牛下女車神」李慧詩傳授六招「家居椅子伸展運動」嘅短片,Sarah喺片中仲分享自己讀書秘訣O添。
Kelly上網搵條片睇,招招簡單易做,照顧晒全身上下,其中一式,Sarah就教大家要坐喺櫈上,將雙手交叉伸高過頭,如果能力許可,可以扣實雙手,再向上推,拉伸腰部及上半身,之後可以嘗試慢慢左右彎腰,進一步伸展兩邊,每邊大概維持十秒。無論同學仔定大朋友們,幾忙都好,都要記得舒展筋骨,放鬆吓呀!
Kelly Chu
更多文章