• 2022年5月21日 星期六
  • 28º
  • 67%
  • facebook
  • Weibo
  • RSS

Executive日記|《駿步人生》專訪殘奧羽毛球銅牌得主 陳浩源自爆好貪靚 - KellyChu

Kelly鍾意睇馬會嘅刊物《駿步人生》,每期都有勵志故事,今期專訪東京殘奧運羽毛球男子單打銅牌得主陳浩源,原來佢好貪靚,每隔十日剪一次髮,仲勁落髮蠟,唔怪得知唔見佢喺球場上拼搏時披頭散髮啦。

喺訪問話,陳浩源喺二○○八年車禍中受創,左腳須切除,起初佢難以接受,「我甚至不敢照鏡,不敢承認鏡中浮腫、傷痕斑斑、身體有缺陷的人就是自己。」直至從一名探病朋友口中得悉輪椅羽毛球運動,佢就有咗人生目標,出院後就參加殘疾羽毛球本地業餘賽,拿下冠軍,「我摘下冠軍之後,直情『癲咗』,在街上見到人就想向人宣告『我係香港冠軍、我係香港冠軍』……」令佢發覺,「只要你肯努力做一件事,必得回報,找到自己的價值。」之後佢不斷努力,終奪取奧運獎牌。

佢喺訪問中亦講下自己嘅嗜好,就係扮靚,「殘疾人士為何不可以靚?不論男女、傷健,都應該有扮靚的權利。」佢每天僅花五分鐘整理頭髮,會用「足夠份量」及waterproof 的髮蠟,所以「落雨都唔塌」,並助大概十日理髮一之,更去上堂學化妝,笑言自己比妻子更愛美,真係可愛。
Kelly Chu

hd