• 2022年5月16日 星期一
  • 19º
  • 93%
  • facebook
  • Weibo
  • RSS

Executive日記|恐怖「曱甴屋」大翻新變安樂窩 - KellyChu

早前富亨邨一個已出售嘅公屋單位,因獨居戶主漠視衞生問題,結果造成大量蟑螂蟲蟻,成為恐怖「曱甴屋」,困擾該幢大廈超過十年。事件引起全城關注;大埔區議員何偉霖指經滅蟲,及一班有心義工默默付出,將單位翻新變為安樂窩。Kelly都好欣賞今次好人好事,徹底解決衞生問題。

何偉霖喺FB指呢個單位,經兩個月後好大改變,「唔講你真係唔知呢度曾經發生過咩事」,佢形容係唔少有心人嘅努力,先有咁嘅成果,呢兩個月,滅蟲公司多次幫手義務滅蟲,食環同各義工嘅清理,有一班善心義工默默付出幫單位翻新油油,被蟲侵蝕到好多嘅窿罅都補晒,社工、社署及醫護對户主嘅協助,幫過手嘅街坊;仲有傢俬舖老闆娘贈送全新傢俬。

佢話單位簡直有煥然一新嘅感覺,仲趁新年前上門協助安裝傢俬及電器。佢希望戶主同妹妹一家人,以後可以幸福美滿,平安健康,更向戶主家人送上賀年揮春。佢向傳媒透露戶主目前正接受治療,得悉家中已完成翻新,答應日後唔會再亂撿垃圾回家。
Kelly Chu

hd