任睇No.1
  • 26º
  • 92%
  • 2022年6月30日 星期四

KellyChu - 展示百年鐵路歷史圖片及《戰爭遺跡》 會展站綠加灰 象徵維港海水|Executive日記

東鐵線展現新活力,過海段將於本月十五日通車,除咗新界東北居民可以毋須轉車就一程過海,Kelly亦好期待新建成的會展站。港鐵話,會展站設計使用綠色及灰色,象徵維港海水顏色。

港鐵車務營運及本地鐵路總管黃琨暐話,會展站嘅設計會沿用港鐵馬賽克風格,主題顏色會以綠色混搭灰色。佢解釋,會展站位於維港海旁,綠色及灰色象徵會展站前臨維港,係海水嘅顏色。

會展站遍佈藝術品,兩層月台分別有紀念百年鐵路伸延至港島,名為《東鐵超越一百年,邁向下一個世紀》嘅歷史圖片展,下層月台就有名為《戰爭遺跡》嘅展示,展出港鐵建造車站時所發現嘅戰時炸彈。而貫徹車站,亦有車站藝術品《水記憶》。

至於在金鐘站擴建部份中庭,會有一件懸掛式藝術品《引領前行》,配有四種顏色,象徵金鐘站四線匯聚嘅特色。紅磡站都會有車站藝術品《失而復得》。港鐵稍後會派發下周一會展站開放日門票,有興趣嘅市民可透過手機應用程式「MTR Mobile」及「THE GULU」攞飛,每張門票可以四人同行,先到先得。
Kelly Chu■金鐘站懸掛式藝術品《引領前行》。  港鐵供圖
■金鐘站懸掛式藝術品《引領前行》。 港鐵供圖

hd