KellyChu - 默默護送密切接觸者協助疫廈撤離 醫療輔助隊犧牲小我 成就抗疫大愛｜Executive日記
KellyChu
2022-05-06 00:00
字體大小
第五波疫情，港人經歷難忘疫戰。Kelly知道，除咗前線醫護人員外，仲有一班人喺背後默默付出，包括醫療輔助隊嘅志願隊員，佢哋犧牲自己時間、體力，協助有需要嘅人，護送密切接觸者及協助疫廈撤離等工作，好有愛。
大家對醫療輔助隊都唔陌生，小妹聽聞其轄下嘅志願隊員非常有心，位位都積極參與抗疫工作。醫療輔助隊總參事黃英強提到，志願隊員好多本身都有正職，佢哋放工後食個飯，就加入抗疫行列，包括護送緊密接觸者出入醫院、隔離設施等，做到天光才食少少嘢，又再返工，真係少啲體力同愛心都唔得。
黃英強指，曾有女隊員護送一對母子，由隔離酒店去醫院探爸爸，當時爸爸彌留，個仔得九歲，隊員見到非常感觸，忍淚安慰男童，「你大個，要好好保護媽媽」。除咗護送緊密接觸者，佢哋仲需要處理特別情況，包括去殮房幫手等。黃英強指當時需招募二十八位人員，兩小時內已報名「爆滿」，形容隊員很勇敢。
Kelly仲知道，醫療輔助隊近日拍攝微電影《持後者》作推廣，一連四集的內容，都以一個參加醫療輔助隊的家庭為中軸，每集簡短而節奏明快，睇完會令大家更了解隊員工作及憂慮，小妹向你們致敬！
Kelly Chu
大家對醫療輔助隊都唔陌生，小妹聽聞其轄下嘅志願隊員非常有心，位位都積極參與抗疫工作。醫療輔助隊總參事黃英強提到，志願隊員好多本身都有正職，佢哋放工後食個飯，就加入抗疫行列，包括護送緊密接觸者出入醫院、隔離設施等，做到天光才食少少嘢，又再返工，真係少啲體力同愛心都唔得。
黃英強指，曾有女隊員護送一對母子，由隔離酒店去醫院探爸爸，當時爸爸彌留，個仔得九歲，隊員見到非常感觸，忍淚安慰男童，「你大個，要好好保護媽媽」。除咗護送緊密接觸者，佢哋仲需要處理特別情況，包括去殮房幫手等。黃英強指當時需招募二十八位人員，兩小時內已報名「爆滿」，形容隊員很勇敢。
Kelly仲知道，醫療輔助隊近日拍攝微電影《持後者》作推廣，一連四集的內容，都以一個參加醫療輔助隊的家庭為中軸，每集簡短而節奏明快，睇完會令大家更了解隊員工作及憂慮，小妹向你們致敬！
Kelly Chu
最Hit
更多文章
