任睇No.1
  • 29º
  • 80%
  • 2022年6月27日 星期一

KellyChu - 大佛長梯建荷花水道 涓涓流水潤澤人間|Executive日記

昨天係佛誕,好多人搭昂坪360纜車上寶蓮寺,瞻禮天壇大佛,好多朋友話見到佛身光亮閃爍,感受到一股正能量。Kelly仲知道,天壇大佛經過一年幾嘅修繕工程,仲包括喺大佛長梯中央建設一條荷花水道,日後會有水流涓涓而下,象徵一道清泉潤澤人間,預料呢條荷花清泉會喺今年年中公開俾善信參觀。

天壇大佛落成逾三十年,多年來青銅表面受到惡劣氣候嘅嚴重鏽蝕,由前年六月開始維修,經過近兩年嘅佛身翻新,外圍棚架全部拆卸,一個金光閃閃嘅大佛重現大家眼前。
  昨天去寶蓮寺嘅朋友話,遙望大佛,真係好開心,仲見到行上大佛嘅長梯做緊工程,問Kelly日後會係咩樣子。小妹八卦到,呢條長梯唔單止翻新咁簡單,仲會喺中央建一條鋪滿荷葉雕塑嘅水道,將來有水流從大佛蓮花座流下,寓意一道清泉流向人間,普利眾生。
  等呢條清泉喺本年年中建成並開放,小妹會搭昂坪360纜車上山參拜納福。
Kelly Chu

hd