任睇No.1
  • 28º
  • 88%
  • 2022年5月27日 星期五

KellyChu - 「香港懷舊小食II」郵票飽眼福|Executive日記


香港係世界知名的美食天堂,雖然壽司、紫菜包飯好正,不過講到Kelly最愛,仍然係蛋撻、生菜魚肉、格仔餅、龍鬚糖等嘅港式懷舊小食,款款都好有回憶。小妹知道香港郵政將發行「香港懷舊小食II」嘅特別郵票及郵品,相關郵品將喺二十六日推出啦,大家密切留意啦!

香港郵政繼二○二一年「香港懷舊小食」特別郵票,今年續發行「香港懷舊小食II」一套六枚郵票及郵票小型張。
今次發行「香港懷舊小食II」嘅六枚郵票,香港郵政精心挑選了令人回味無窮嘅懷舊小食作郵票設計,例如蛋撻、生菜魚肉、格仔餅、龍鬚糖、馬仔及芝麻卷等,款款都令小妹留晒口水。

而郵票小型張的齒孔印有香港的英文縮寫「HK」字樣,小型張並展示三款經典小食,包括香氣獨特嘅臭豆腐、街知巷聞嘅燒賣和以獨特方式售賣嘅飛機欖。

咁具代表性嘅郵票,小妹覺得值得入手一套作為收藏!提提大家,全線郵政局和網上購物坊「郵購網」今日發售「香港懷舊小食II」正式首日封,而呢套特別郵票及相關郵品將於五月二十六日起在各郵政局及「郵購網」發售。
Kelly Chu

hd