KellyChu - 台灣鬧薯條荒 香港麥當勞:供應仍正常|Executive日記

台灣傳出當地嘅連鎖快餐店「麥當勞」出現薯條缺貨,朋友係薯條癡,知道咗之後追問Kelly點算,搞到小妹都緊張埋一份,即刻向麥當勞朋友打聽,話本地連鎖店嘅薯條供應正常,仲話會盡力維持有薯條食咁話。

繼早前薯餅缺貨之後,台灣「麥當勞」話薯條缺貨,引起好多喜愛薯條嘅顧客擔心。台灣麥當勞話,因全球航運不穩,薯條無法到貨,估計本周五先陸續恢復正常供應。有台灣民眾發現,麥當勞昨天起喺部份門市張貼告示,暫停供應薯條,好多「薯迷」好失望。

香港麥當勞朋友對Kelly講︰「現時香港麥當勞的薯條供應正常,我們亦密切留意全球供應鏈的情況,盡力維持食材供應穩定。」即係話有得食,咁要食多啲,以免一旦供應短缺就要天天思念薯條了。
Kelly Chu
更多文章