任睇No.1
  • 30º
  • 75%
  • 2022年6月27日 星期一

KellyChu - 付195萬平息事件 傳馬斯克曾向空姐「露械」|Executive日記

全球首富馬斯克(Elon Musk)嘅私生活惹人關注,最近就有啲麻煩,事關涉及喺架私人飛機上,被指露體性騷擾一名空中小姐,仲話畀咗二十五萬美元(約一百九十五萬港元)平息糾紛。呢位首富其後喺社交平台否認,Kelly都想知新聞多多嘅佢之後會點拆彈。

美國《商業內幕》網站早前揭秘,引述一名唔願公開姓名嘅空姐話,二○一六年時馬斯克曾經喺佢面前露下體,而且仲觸摸佢大腿,又話如果佢願意「做更多」,會送佢一匹馬。到咗二○一八年,馬斯克旗下嘅太空探索公司SpaceX畀咗二十五萬美元平息訴訟。文章仲出示一份當年達成庭外和解嘅協議文件,作為證據。
  不過,馬斯克就係Twitter發文反駁話報道無中生有,並要求女事主「形容一樣我嘅特徵,係公眾看唔到嘅(疤痕、紋身等),佢講唔到,因為呢件事根本沒發生。」馬斯克又話:「如果我鍾意性騷擾,沒可能喺三十年職業生涯中第一次被曝光」。
Kelly Chu

hd