KellyChu - 不想錯過與孩子共同成長 「童星監製」馮志豐舉家居台灣 |Executive日記

商業電台晚上節目《光明頂》嘅監製馮志豐,喺社交平台公佈,為咗唔想錯過同三個孩子共同成長嘅黃金機會,一家人已經旅居台灣。據悉,《光明頂》監製一職由商台內部另一同事接任。

馮志豐早年係一名童星,有份參演無線電視多部經典劇集,深入民心,包括《京華春夢》、《執到寶》、《射鵰英雄傳》、《神鵰俠侶》與《香城浪子》等。佢喺《十八樓C座》與《光明頂》嘅監製,參演《十八樓C座》中嘅拉表叔而為聽眾所熟知,人稱「童星監製」。佢昨日喺fb公佈,「加入電台二十五載,同經歷大時代,於大氣電波結識了各位,深感慶幸。回首一看,我在工作中倒忽略了家中三個小孩子。我不想錯過跟他們共同成長的黃金機會,是時候暫別我廣播道的家,跟太太和三個孩子出去闖闖了。」據悉,佢一家人已移居台灣近三個月。

佢仲話,喺台灣找到事業嘅新機遇,同佢嘅興趣有極大連繫,正計劃將這自小嘅夢想化為現實,期望不久能呈獻給大家。但佢捨不得就此離開商台,所以仍會逢周六嘅「一台好戲」同周日嘅「細路強」同大家喺電氣大波中相聚。
Kelly Chu
更多文章