任睇No.1
  • 30º
  • 71%
  • 2022年6月27日 星期一

KellyChu - 預訂二萬個酒店住宿名額 新一輪 「賞你住」 今朝必搶|Executive日記

旅發局推新一輪「賞你住」活動,共有二萬個酒店住宿名額,今朝十一點開始可以去預訂啦,Kelly不少姐妹都做足功課,排定心水嘅名單,準備去Staycation唞唞氣!

新一輪「賞你住」共有約一百間酒店參與,除咗星級酒店住宿,不少酒店計劃仲包括豐富嘅餐飲、活動體驗,或者藝術文化工作坊等「吸客」,各間酒店名額有限,先到先得。

合資格人士最多只可持有兩張於本地零售或餐飲實體店消費、合共滿八百元機印正本收據,消費日期必須喺今年五月六日起發出,收據亦須列明商戶名稱、消費項目、日期和金額,已登記市民喺酒店登記入住時,亦要提交已獲核實嘅收據正本。

大家揀定住宿計劃後,可以用推廣碼「HKstay」,透過酒店指定電郵或酒店網站,直接向參與酒店預訂五百元或以上嘅一晚或連續兩晚住宿計劃,即喺可以享有五百蚊折扣優惠,非常吸引!
Kelly Chu

hd