任睇No.1
  • 27º
  • 88%
  • 2022年6月30日 星期四

KellyChu - 今年首辦「西油記」 港生作品臥虎藏龍 旅發局推「藝聚香港」 全球宣傳藝術吸引力|Executive日記

長洲、主題樂園全部玩厭晒?Kelly有好嘢益大家!香港作為中外文化交流中心,本地藝術絕對唔輸蝕。小妹知道旅發局推出「藝聚香港」計劃,冀向全球旅客宣傳香港藝術嘅吸引力,大家除咗喺五至六月參加法國五月藝術節、Art Basel等國際藝術盛事外,仲可以跟着旅發局「深度旅」,透過香港藝文地標及社區藝術展,了解更多城中故事,其中好玩節目有「西油記」。

旅發局今年首辦社區藝術展,名為「西油記」,由下周三起至下月十七日,喺西九文化區藝術展亭展出超過二百五十份西九龍主題作品。小妹覺得本港學生真係個個臥虎藏龍,當中作品「西油圖」和「老化」,令小妹印象深刻。前者係一幅水墨畫嘅鳥瞰圖,勾劃出西九龍等地嘅城市面貌,畫工細緻。畫中藏有多個彩蛋,例如關公打蟑螂、兩隻可愛小貓等,大家欣賞藝術時,仲可以享受玩「找物件」嘅樂趣;後者透過色彩繽紛嘅晾衫竹,建構回憶中嘅街景,表達對油麻地舊區嘅不捨,極具人情味。
Kelly Chu■ 「西油圖」畫工細緻。
■ 「西油圖」畫工細緻。

hd