任睇No.1
  • 29º
  • 79%
  • 2022年6月26日 星期日

KellyChu - 中大以雷射成像技術呈現 恐龍化石完整肚臍首曝光|Executive日記

人肚臍,自己低頭就睇到,至於恐龍肚臍係點樣,真係幾難想像?但中文大學及國際古生物學家組成嘅團隊為首次將恐龍肚臍公諸於世,佢哋利用尖端雷射成像技術,喺一塊有一點二五億年歷史、於中國出土嘅化石上,首次發現完整嘅恐龍肚臍,係動物肚臍最古老嘅記錄。

中大生命科學學院助理教授兼論文嘅共同通訊作者文嘉棋博士,利用其研發嘅雷射熒光成像(Laser-Stimulated Florescence,簡稱LSF)技術,重新檢視白堊紀時期一隻兩米長、用兩足步行嘅草食性恐龍鸚鵡嘴龍的皮膚化石,呈現從未被看見嘅細節。「透過LSF技術,發現咗喺鸚鵡嘴龍化石上長形的臍部疤痕附近獨特嘅鱗片。呢個特徵與一些現代蜥蜴及鱷魚有相似之處,這種臍部疤痕亦稱為肚臍,但有別於人類相對較細嘅肚臍。基於其特殊且優秀嘅保存狀態,這塊化石成為了第一塊保有恐龍肚臍的化石。」

呢件化石現正喺德國法蘭克福的森根堡自然博物館中展出。研究結果已於國際生物期刊《BMC Biology》上發佈。
Kelly Chu

hd