KellyChu - 八達通審視儲值限額 或可一筆過領消費券|Executive日記

第一輪發放嘅五千元電子消費券,Kelly已經用得七七八八,餘下嘅五千元預計於暑假派發,真係好期待!不過因為小妹係用八達通領取,所以一次性只能領取三千元,有少少唔方便,八達通公司似乎聽到市民嘅聲音,有意審視相關法規要求,希望最後公司可以放寬儲值額上限啦!

八達通公司話,會從市民期望、實際操作及安全性等作多方面考量。八達通已連結十五萬個零售同交通支付點,為確保提升儲值限額過程順暢且不影響市民日常出行,須投放時間作系統更新和測試;公司曾解釋法例對用戶儲值額設有三千元上限,惟財經事務及庫務局局長許正宇指,消費券嘅資金源自政府,金管局已告知支付工具持牌人消費券並不受限。
Kelly Chu
更多文章