任睇No.1
  • 27º
  • 84%
  • 2022年7月1日 星期五

KellyChu - 親身參與美化碼頭籌劃 鄧炳強變身導遊帶隊視察沙頭角|Executive日記

喺邊境嘅沙頭角碼頭,由六月三日起開放畀本地旅行團,反應好好。放寬限制嘅保安局局長鄧炳強不單止幕後籌劃,仲變身「導遊」,帶持份者視察沙頭角,由美化碼頭長堤,到打造界石新打卡點,又推動市集,事事親力親為,樂在其中。

繼帶旅遊業界遊沙頭角之後,鄧炳強上周末又帶隊,同一眾傳媒總編深入沙頭角禁區,了解中英街嘅面貌。疫情之下,內地喺無形邊界嘅一邊豎立咗一列水馬,內地人暫時不能走過香港呢一邊購物,不少商店休業。局長好生動咁講解,等大家認識中英街嘅石界、內地警崗位,比專業導遊更勁。

呢次對本地旅行團開放嘅沙頭角碼頭,位於淺海,設計特別長,延伸至可泊船嘅深水區,係全港最長嘅碼頭。鄧炳強說,碼頭有矮牆,佢靈機一觸,何不請來沙頭角社區居民參與,喺牆上繪上彩畫,有當地嘅特色陸上舞龍舟、太平清醮、客家美食等,七彩繽紛,美化環境,仲強化社區關係。

遊人最關心打卡,保安局好有心,喺一角碼頭打造一個全新打卡點「沙頭角之角」,標示經緯度,擺放一塊新石界,上面刻上「日出沙頭 月懸海角」,人人見到都瘋狂打卡。行程中,局長碰見一批來遊玩的學生向他招手,他二話不說趨前,幫手拉橫額合照,搞到班學生不知幾開心。

身為「導遊」,局長喺船程上當然要娛賓啦,佢透露自己鍾意穿又型又有款的內地名鞋「飛躍」,話係潮人之選,仲分享手上嘅腕錶,購自裕華國貨,係天津錶廠的復刻一九六三年嘅飛行軍錶,原錶號稱中國第一支自製的飛行錶。局長支持國貨,身體力行。
Kelly Chu■鄧炳強稱愛穿內地名鞋「飛躍」。
■鄧炳強稱愛穿內地名鞋「飛躍」。
■碼頭打造全新打卡點「沙頭角之角」。
■碼頭打造全新打卡點「沙頭角之角」。

hd