任睇No.1
  • 29º
  • 77%
  • 2022年8月19日 星期五

KellyChu - 《東周刊》曾報道:虎年現電力問題 李丞責停電預言「玄」是準|Executive日記

呢幾日充滿負面消息,先係珍寶海鮮舫被拖離香港之後,去到南中國海沉沒,之後有中電大電纜起火,搞到元朗、屯門及天水圍大停電,幾條邨兩萬人停電逾半日!有朋友話真係禍不單行,亦有信命理嘅朋友就話,有大師傅一早預測得到啦!

《東周刊》去年十二月就報道,玄學家李丞責嘅預言,佢預測香港在今年虎年會出現電力問題,真係準到十足十,相關內容被上傳到網上,引起熱議。

李丞責喺去年出版嘅虎年生肖運程書《裕虎添翼》中話:「虎年的香港,容易受到雷擊事件所影響。引伸至電力供應受阻、網絡中斷,亦需要留意支撐方面的問題,如高樓大廈、高塔、棚架、大樹、橋樑、燈柱、甚至山泥傾瀉等等。相關部門宜及早作出仔細檢查,未雨綢繆,防患於未然。除此之外,由雀鳥造成的問題,本年也不容忽視,如鳥擊,即指鳥類與飛行中的飛機、高速運行的火車、汽車等發生碰撞,造成意外的事件。」

李丞責仲提醒,「於雷電交加的時候,務必提高安全意識,最好能夠減少外出,逗留於相對安全的地方。對於電力受阻和網絡中斷的問題,宜預早計劃後備方案。」

另外,網上亦熱傳侯天同師傅嘅虎年卦象,有幾句提到「鐵魚再招殃⋯⋯城中黑漆暗,消息幾往來⋯⋯」係咪批中海鮮舫沉沒同大停電呢?有網民就形容,預測之準,令人咋舌。
Kelly Chu■侯天同師傅嘅虎年卦象。
■侯天同師傅嘅虎年卦象。

hd