KellyChu - 「藝術@維港」展品「綻放香港」|Executive日記

維港兩岸景色咁正,再加上藝術品更加相得益彰。康文署連同多間私營機構於維港兩岸舉辦藝術展覽「藝術@維港」,喺維港兩岸擺放大型戶外藝術裝置作品,同埋大屏幕數碼影像,市民又多了「打卡」熱點。

「藝術@維港」夥拍私營機構,把兩岸休憩地方營造成藝術展場。K11喺K11 Musea海濱、星光大道及梳士巴利公園,展示以「未來交響樂」為主題嘅藝術裝置及數碼作品;嘉里集團則喺九龍香格里拉及香港嘉里酒店外牆,展示名為「綻放香港」數碼藝術;信和集團喺尖沙咀中心、帝國中心等,設置大屏幕數碼影像「心連心」。特首林鄭月娥出席開幕禮時,話希望將呢種民、商、官精神喺香港落地生根,發揚光大。

另外,康文署將於七月一日喺天水圍舉辦「天水樂無窮」,喺天業路公園提供唔同類型嘅免費嬉水活動,畀市民喺回歸二十五周年的大日子,玩得盡興。
Kelly Chu
更多文章