KellyChu - 大家樂每售1焗豬扒飯 捐1蚊助認知障礙患者|Executive日記

陪伴港人逾五十載嘅大家樂,宣佈推出全新品牌企劃「有大家,就有大家樂」,希望喚起「大家」喺大家樂製造嘅各種美好回憶。由下月一日至八月三十一日,大家樂每售出一個「招牌焗豬扒飯」,就會捐出港幣一元畀香港認知障礙症協會。Kelly都準備幫襯,支持一下!

大家樂發起「關注認知障礙症患者」捐款活動,每售出一個「招牌焗豬扒飯」,就會捐出港幣一元畀香港認知障礙症協會,以支持用作照顧認知障礙症患者日間中心嘅營運開支。

大家樂亦會呈獻一連三輯簡單而真摰嘅生活小品,記錄屬於呢個時代嘅命題,昨日率先播出嘅《我的善忘爺爺》,就以認知障礙症患者為主題。至於其餘嘅《我的 WFH 男友》及《我的同班巴打》,會分別喺本月三十日及下月七日首播,大家切勿錯過。
Kelly Chu
更多文章